Çində hibridə maraq azalır, elektromobil sayı artır  

Oktyabr ayının statistikası Çində elektromobil və doldurulan hibrid modellərə marağın artdığını gğstərir. Lakin elektromobil  satışı bütün digər modelləri üstələyir. 

Avtosfer.az xəbər verir ki, oktyabrda ölkədə 578 000 ədəd doldurulabilən avtomobil (plug in hibrid və elektromobil)  satılıb.  Bu da ötən illə müqayisədə 75% çoxdur. Bunlardan 410 000 ədədi elektromobil olub. Başqa sözlə, elektrik mühərrikli avtomobillərin satışı illik əsasda 57% artıb.  Ölkədə plug in hibrid satışı illik əsasda 143% artsa da, ümumi say nisbətən azdır: 168 000 ədəd.
Çində il ərzində 4,6 milyon ədəd təzə elektromobil və doldurulan hibrid avtomobil satılıb. Bununla da Çin elektromobil satışına görə dünyadakı mövqeyini qoruyub. 
İl ərzində ən çox satılan elektromobil və doldurulan hibrid modellər bunlardır:
Wuling Hong Guang MINI EV: 357 493 ədəd,
BYD Song Plus: 342 151 ədəd,
BYD Qin Plus: 266 432 ədəd,
Tesla Model Y: 233 796 ədəd,
BYD Han: 211 147 ədəd,
BYD Dolphin: 152 571 ədəd,
BYD Yuan Plus BEV: 141 808
BYD Tang: 109 536 ədəd,
Tesla Model 3: 102 753 ədəd,
AC Aion Y: 93 816 ədəd. 
Çində elektromobilə marağın artması 3 əsas amillə izah olunur: əlverişli qiymət, çoxşaxəli doldurma məntəqələri və servisin təkmilləşməsi.

Vüqar