Tesla səhmlərinin qiyməti rekord yenilədi

ABŞ-ın elektrikli avtomobil istehsalçısı Tesla-nın səhmlərinin qiyməti Bakı vaxtı ilə saat 09.00-a olan məlumata görə, 6 faiz artaraq 425 dollara çatıb.

Beləliklə, şirkətin səhmlərinin qiyməti 3 noyabr 2021-ci ildə qeydə alınan 414,5 dollarlıq rekordu yeniləyib. 

Avtosfer.az xəbər verir ki, səhmlərinin bahalaşaması ilə Tesla-nın bazar dəyəri 1,3 trilyon dollara çatıb.

Dünyanın ən varlı adamı olan Tesla-nın baş direktoru (CEO) İlon Maskın sərvəti 370 milyard dolları ötüb.

Maskın dəstəklədiyi Donald Trampın ABŞ-ın 47-ci prezidenti seçilməsindən sonra Tesla səhmləri bahalaşır.

Trampın seçkilərdə qalib gəlməsindən sonra Teslanın səhmləri 66 faizdən çox dəyər qazanıb.

ABŞ-ın yeni seçilmiş prezidenti Trampın Musk və sahibkar Vivek Ramaswamy-nin Hökumətin Səmərəliliyi Departamentini idarə edəcəyini açıqlaması da Tesla səhmlərinin bahalaşmasına töhvə verib. 

(marja.az)