Azərbaycanda sürücülərdən fərqli addım: Yol istəmək üçün zəng etdilər - VİDEO

Azərbaycanda qeydə alınan maraqlı hadisə sosial şəbəkələrdə geniş müzakirələrə səbəb olub.

Avtosfer.az xəbər verir ki, minik avtomobili ilə hərəkət edən bir qrup gənc qarşılarında hərəkət edən yük avtomobilinin arxa hissəsində qeyd olunan telefon nömrəsinə zəng edərək sürücüdən onlara yol verməsini xahiş edib.

Gözlənilməz zəngə müsbət reaksiya verən yük avtomobilinin sürücüsü müraciəti anlayışla qarşılayıb və təhlükəsizlik qaydalarına riayət etməklə minik avtomobilinin ötmə etməsinə şərait yaradıb.

Hadisənin görüntüləri sosial şəbəkələrdə paylaşıldıqdan sonra istifadəçilər tərəfindən maraqla qarşılanıb. Bir çoxları sürücülər arasında nəzakətli ünsiyyətin və qarşılıqlı anlayışın yollarda təhlükəsiz hərəkətə müsbət təsir göstərdiyini qeyd ediblər.

Eltac Zülfüqaroğlu