Bakı Zooloji Parkında Amur pələngi balaları dünyaya gəlib - FOTOLAR

Bakı Zooloji Parkında nəsli kəsilmək təhlükəsi altında olan Amur pələnginin iki balası dünyaya gəlib. Avtosfer.az xəbər verir ki, bu barədə İDEA İctimai Birliyindən məlumat verilib. Qeyd edək ki, Amur pələngi öz yarımnövləri içərisində böyüklüyünə görə birincidir. O, qütb və qonur ayıdan sonra quruda yaşayan üçüncü ən böyük yırtıcı hesab olunur. Təbii arealı əsasən Uzaq Şərqi və Çini əhatə edir. Hazırda bu növ Beynəlxalq Təbiəti Mühafizə Birliyinin (IUCN) "Qırmızı siyahı"sına və Rusiyanın "Qırmızı Kitab"ına daxil edilib.