Bu ölkədə “Belarus” traktorlarına qadağa qoyuldu

Məhsul yığımının qızğın vaxtında polşalı fermerlər qəribə qadağa ilə rastlaşıblar. 

Avtosfer.az xəbər verir ki, yerli idarəetmə orqanları “Belarus” traktorlarının istismarını qadağan edib. Fermerlərə bildirilib ki, 2016-cı ildən sonra alınmış MTZ markalı traktorlar Avropanın ekoloji normalarına uyğun gəlmir. Bu texnikaların idxalı zamanı qanunsuzluğa yol verilib, sertifikatları yoxdur.

Minlərlə fermer qanuni yolla əldə etdikləri texnikanı istifadə edə bilmədikləri üçün çətin vəziyyətdə qalıb. Kənd Təsərrüfatı Nazirliyi onların müraciətlərinə münasibət bildirmir. Halbuki, nazirlik sertifikat məsələsinə 2026-cı ildən sonra baxmağa söz vermişdi.

Yerli əhali qərarı siyasi hesab edir. Fermerləri bir sual düşündürür: necə ola bilər ki, Avropanın əksər ölkələrində istismar olunan bu texnika birdən-birə yararsız hesab edildi? Həm də Almaniya və Fransa kimi çox sayda kənd təsərrüfatı texnikası istehsal edən, innovasiyaların ilk tətbiq olunduğu ölkələrdə deyil, Polşada.

Vüqar Yaşaroğlu