Bu ölkədə dərsə maşınla gələnlər universitetdən xaric edilir

Tacikistanda 2017-ci ilə qəbul olunmuş Təhsil Qanununun 10-cu maddəsi şagird və tələbələrin dərsə mexaniki nəqliyyat vasitələri ilə gəlməsini qadağan edir. 

Avtosfer.az xəbər verir ki, burada söhbət moped, motosiklet, skuter və avtomobildən gedir. Şagirdlərin bu nəqliyyat vasitələrini idarə etməyə yaşları çatmadığı üçün valideynlər cərimələnir.
 

Tələbələr isə dərsə motosiklet və avtomobillə gəldikdə ali məktəbdən 3 il müddətinə xaric olunurlar. Tələbənin qərardan apellyasiya şikayəti vermək hüququ yoxdur. Reydləri təhsil və daxili işlər nazirlikləri birgə aparır. 

Hər reyddə onlarla tələbə “ilişərək” universitetdən uzaqlaşdırılır. 4-cü kursun son semestrində olan tələbələr arasında da tədrisdən kənarlaşdırılanlara rast gəlmək mümkündür.

Vüqar