Çində sürətli dəmir yolu xətlərinin uzunluğu 50 min kilometri keçdi

Çində yüksəksürətli dəmir yolu xətlərinin ümumi uzunluğu 50 min kilometri keçib.

Avtosfer.az xəbər verir ki, Sinxua agentliyinin məlumatına görə, dekabrın 26-da ölkədə yeni sürətli marşrut xətti açılıb: “Fusin” sürət qatarı Şensi əyalətinin Yanan şəhərindən həmin əyalətin inzibati mərkəzi Siana yola düşüb. Dəmiryol xəttinin bu hissəsində qatarın sürəti saatda 350 kilometrə çatıb. Yeni sürətli dəmir yolu şəhərlər arasında səyahət müddətini iki saatdan bir saata endirib.

Qeyd edək ki, ölkədə yüksəksürətli ilk dəmir yolu xətti 2008-ci ildə açılıb və o, Pekini Tyantszin şəhəri ilə birləşdirib.

“Hazırda belə xətlər 500 min və daha artıq əhalisi olan bütün şəhərlərin 97 faizini əhatə edir. Çin istifadədə olan yüksəksürətli dəmir yolları xətlərinin uzunluğuna görə dünyada birinci yerdədir. Ölkə, həmçinin dəmir yolu ilə səyahətin sürətinə görə də dünya lideridir”, - deyə “China State Railway Group” şirkətindən bildirilib./azərtac