Elektrikli avtomobil istehsalı üçün uşaqlar istismar edilir - ARAŞDIRMA

Elektrikli nəqliyyat vasitələri şəhərlərdə havanı təmizləsə də, onların izi dünyanın başqa yerlərində ağır nəticələr buraxır.

Avtosfer.az xəbər verir ki, bu avtomobillərin istehsalında istifadə olunan litium, kobalt və nikel kimi minerallar Konqo, Çili və Boliviya kimi ölkələrdə ciddi ekoloji və sosial fəsadlar yaradır. Konqoda uşaq əməyindən istifadə olunur, Çilidə litium hasilatı yeraltı suları tükəndirir.

“Greenpeace”in məlumatına görə, bir elektrikli avtomobilin akkumulyatoru orta yanacaqlı avtomobilin səkkiz illik emissiyasına bərabər karbon izi yaradır.

Ekspertlər bildirirlər ki, elektrikli avtomobil istehsalında istifadə olunan enerji hələ də kömür və qaz mənbələrindən gəlirsə, bu keçid “çirklənmənin yer dəyişməsi”nə çevrilir.
Bundan başqa, batareyaların təkrar emalı da böyük problemdir. 8-10 il istifadə edilən bu batareyalar hazırda çox az ölkədə ekoloji şəkildə utilizasiya olunur.

Avropada 2024-cü ildən bütün elektrikli avtomobillərdə süni mühərrik səsləri məcburi olacaq, çünki səssizlik piyada qəzalarını artırıb.

Eltac Zülfüqaroğlu