Finlandiya polisi göyərtəsində azərbaycanlıların olduğu gəmini həbs etdi

Finlandiya polisi Rusiyadan gələn və Helsinki ilə Tallin arasındakı rabitə kabelini zədələməkdə şübhəli bilinən gəmini həbs edib.

Avtosfer.az xəbər verir ki, bu barədə Finlandiya polisinin sözçüsü İlkka Koskimaki mətbuat konfransında bildirib.

Polis rəsmisi qeyd edib ki, Sankt-Ptereburqdan çıxan “Fitburg” adlı gəmi İsrailə yük aparırmış. Gəminin Azərbaycan, Gürcüstan və Rusiyadan olan heyəti dindirildikdən sonra istintaq təcridxanasına yerləşdirilib.

Gəmi Baltik dənizində, Estoniyanın ərazi sularında qəsdən rabitə kabelini zədələməkdə şübhəli bilinir.  

Gəmini Finlandiyanın hərbi helikopteri aşkar edib. Lövbər salmış gəmiyə lövbəri qaldıraraq hərəkətə başlamaq tələb edilib. Gəminin kabeli zədələmək məqsədi ilə lövbər saldığı ehtimal olunur.

Vüqar