Həcc mövsümü ərəfəsində viza reydləri başlayır

Səudiyyə Ərəbistanının Turizm Nazirliyi həcc mövsümü ərəfəsində sərt tədbirlərə başlayıb. 

Avtosfer.az xəbər verir ki, aprelin 29-dan mövsümün sonunadək Məkkə şəhərində yaşamaq məhdudlaşıdırılacaq.

Turizm müəssisələrinin həcc vizası və ya şəhərdə daimi yaşamaq üçün icazəsi olmayan şəxsləri qəbul etməsi qadağan olunur. Vəziyyətə nəzarət etmək üçün reydlər keçiriləcək, Qaydalara əməl etməyən otellər ciddi şəkildə cəzalandırılacaq. Məhdudiyyətlər Daxili İşlər Nazirliyinin təlimatı əsasında aparılır. 

Qeyd edək ki, dünyanın əksər ölkələrində turizm operatorları daha az xərc tələb etdiyi üçün zəvvarları adi turist vizası ilə həccə yola salır. Səudiyyəyə giriş vizası təxminən 100 dollar olduğu halda, bəzi ölkələr üçün həcc vizasına 500 dollar tələb olunur.

Vüqar