İran Müctəba Xamenei ilə bağlı GÖRÜN nə etdi - VİDEO

İran prezidenti Məsud Pezeşkianın ölkənin yeni ali dini lideri olduğu iddia edilən Müctəba Xamenei ilə bir yerdə görüntüləndiyi iddia olunan video sosial şəbəkələrdə sürətlə yayılıb.

Avtosfer.az xəbər verir ki, kadrlarda Pezeşkianın Müctəba Xamenei olduğu güman edilən şəxslə eyni məkanda oturduğu və onunla söhbət etdiyi əks olunub. Qısa müddət ərzində geniş auditoriya toplayan görüntülər istifadəçilər arasında böyük maraq doğurub və prezidentlə ali liderin gizli görüş keçirdiyinə dair müxtəlif iddiaların yaranmasına səbəb olub.

Lakin kadrların həqiqiliyi ilə bağlı ciddi sualların yaranmasından sonra İranın “Saberin News” portalı məsələyə rəsmi münasibət bildirib. Yayılmış açıqlamada sözügedən videoçarxın tamamilə saxta olduğu və süni intellekt texnologiyaları vasitəsilə hazırlandığı diqqətə çatdırılıb.

Məlumata görə, yayılan görüntülər real həyatdakı hər hansı görüşü əks etdirmir və iki şəxsin bir araya gəlməsinə dair heç bir sübut kimi qəbul edilə bilməz. Sosial şəbəkələrdə geniş səs-küy doğuran kadrlarla bağlı müzakirələr səngiməsə də, rəsmi mənbələr videonun açıq-aşkar dezinformasiya xarakteri daşıdığını vurğulayırlar./nocomment.az