İntizama dəvət, yoxsa polisə əlavə qazanc?   

Rusiya polisi sürücülərin qayda pozuntularını təsbit etmək üçün müasir texnologiyalardan istifadə edir. 

Avtosfer.az xəbər verir ki, indi polisdə xüsusi ayrılmış əməkdaşlar vətəndaşların sosial media profillərini izləyirlər. Bu məqsədlə həm paytaxda, həm də regional bölmələrdə xüsusi bölmələr yaradılıb. 

Törətdiyi qayda pozuntusunu sosial mediada paylaşan şəxslər polis idarəsinə çağırılaraq cərimələnir. 

Ekspertlər arasında məsələyə münasibət ikilidir. Bir qrup bildirir ki, bu cür yoxlama təxminən 1 ay sonra müsbət nəticə verəcək. Digər qrup düşünür ki, indidən sonra törətdiyi əməli paylaşaraq ictimailəşdirənlər azalacaq. Vətəndaşlar isə bu qənaətdədirlər ki, yeni yoxlamalar polis üçün əlavə qazanc mənbəyidir.

Vüqar Yaşaroğlu