Maşını elektrik ötürücü qüllədən şarja qoyan sürücü GÜNDƏM OLDU - VİDEO

Türkiyənin Şanlıurfa şəhərində elektrikli avtomobil sahibinin qanunsuz yolla enerji istifadəsi aşkar edilib.

Avtosfer.az xəbər verir ki, aidiyyəti qurumların keçirdiyi yoxlamalar zamanı elektrik şəbəkəsindən çəkilmiş qanunsuz xətt vasitəsilə elektrikli avtomobilin enerji ilə doldurulduğu müəyyən edilib.

Araşdırma nəticəsində məlum olub ki, şəxs qaçaq elektrik xətti çəkərək avtomobilini həmin xətt üzərindən mütəmadi olaraq enerji ilə təmin edib. Beləliklə, ictimai elektrik şəbəkəsi faktiki olaraq qeyri-qanuni şarj məntəqəsinə çevrilib.

Hadisə ilə bağlı qanunsuz elektrik istifadəsinə görə məsul şəxslər barəsində inzibati tədbirlər görülüb və onlara cərimə tətbiq edilib.

Eltac Zülfüqaroğlu