Məktəbli qız yeni növ asfalt icad etdi - FOTO

Qazaxıstanın Abay vilayətində təhsil alan 10-cu sinif şagirdi yeni növ asfalt hazırlamaq üsulunu tapıb.

Avtosfer.az xəbər verir ki, Arujan Kabdulmaratova plastik tullantılarından ekoloji asfalt örtüyü hazırlayıb. 3 ildir ixtirası üzərində işləyən məktəbli qızın hazırladığı texnologiya bütün növ plastik tullantılarını emal edərək asfaltın tərkibinə qatmağa imkan verir.

Sınaqlar zamanı məlum olub ki, yeni tərkibli plastik sayəsində asfaltın keyfiyyəti və sərtliyi artıb. Bu cür asfalt ənənəvi yol örtüyündən daha çox - 18 ilədək xidmət edə bilər. Əlverişli şəraitdə bu müddət 25 ilə çata bilər. Ən əsası isə, yeni tərkibdə asfaltın maya dəyəri kifayət qədər aşağıdır.

Yeniyetmə qız hazırda yol örtüyünün keyfiyyətini yoxlayan proqram təminatı üzərində işləyir.

Vüqar