Məşhur elektromobilin 7 min manata bənzərini yaratdı - VİDEO

Türkiyənin Dənizli şəhərinin sakinlərindən biri 75 min türk lirəsi (təxminən 7 min manat) büdcəsi ilə “Tesla”nın “Cybertruck” elektrik yük maşınına bənzər avtomobil düzəldib. Onun avtomobillə bağlı çəkdiyi video sosial şəbəkələrdə yayılıb.

Avtosfer.az xəbər verir ki, həmin şəxs “Tesla” “Cybertruck” modelindən ilhamlanaraq öz versiyasını hazırladığını bildirib. O, maliyyə imkanlarının məhdud olduğunu qeyd edərək layihəyə daha çox pul xərcləyə bilmədiyini “hələlik işləyir” sözləri ilə ifadə edib.

Öz istehsalı olan avtomobilini sosial şəbəkədə paylaşan vətəndaşın videosu qısa zamanda minlərlə baxış toplayıb. Görüntülər sosial media istifadəçilərinin həm marağına, həm də zarafatına səbəb olub.

Yazıya gələn şərhlər arasında “Maşın sürərkən akkumulyator 89-dan 90-a düşdü”, “İnsanlar yoxsulluqdan ixtiraçı oldular”, “Ümid edirəm ki, İlon Mask bunu görməz” və “Yalnız dayanmaq üçün əyləci basana qədər gözlədim, amma əyləci görəndə partladım” kimi fikirlər xüsusilə diqqət çəkib.

Eltac Zülfüqaroğlu