Sürücü sərnişinlərə əsəbiləşib avtobusu dayandırdı; düşüb siqaret çəkdi - VİDEO

Türkiyənin Bursa şəhərində sərnişin avtobusunda maraqlı hadisə baş verib. 

Avtosfer.az xəbər verir ki, şəhərdaxili marşrut üzrə hərəkətdə olan avtobusun sürücüsü sərnişinlərlə mübahisəyə girib.

Gərginlik artdıqdan sonra sürücü avtobusu marşrut xəttində yerləşən dayanacaqda saxlayaraq mühərriki söndürüb. Daha sonra avtobusdan enərək sərnişinlərə məhəl qoymadan siqaret yandırıb.

Hadisə zamanı avtobusda olan sərnişinlərdən bəziləri işə tələsdiyini bildirərək vəziyyətə etiraz ediblər. Onlardan biri sürücüyə davranışının qəbuledilməz olduğunu deyib.
Görüntülər sosial şəbəkələrdə yayıldıqdan sonra sürücünün hərəkəti sərt tənqid olunub. İstifadəçilər belə halların ictimai nəqliyyatda sərnişinlərin təhlükəsizliyinə və rahatlığına ciddi təsir göstərdiyini qeyd ediblər.

Hadisənin baş vermə səbəbləri ilə əlaqədar aidiyyəti qurumlar tərəfindən araşdırma aparılır.

Eltac Zülfüqaroğlu