Sürücülərin dərman qəbulu ilə bağlı təklif - FOTO

Rusiyada Dövlət Duması (parlamentin aşağı palatası) sürücülər üçün qadağan edilmiş dərmanların markalanmasında dəyişiklik təklif edib. 

Avtosfer.az xəbər verir ki, deputatlar sürücülərin yolqabağı və ya səfər əsnasında qəbul etməsi tövsiyə olunmayan dərmanların xüsusi markalanmasına tərəfdardırlar. Söhbət əsasən ağrıkəsici və qızdırmasalan dərmanlardan gedir.

Bu məsələ dəfələrlə sürücülərlə polis arasında mübahisəyə səbəb olub.
20236-cü ildə Moskvada polis sürücünü saxlayıb yoxlayarkən üzü qızardığı və ayaq üstə dayana bilmədiyi üçün polis onu narkoloji testə göndərib.

Sürücü öskürəyə qarşı həb (kodein) qəbul etdiyini desə də, məhkəmə onu narkotik sərxoşluğunda ittiham edərək cərimələyib və sürücülük vəsiqəsini ləğv edib.

Sürücü yuxarı instansiyalara müraciət etsə də, Ali Məhkəmə birinci instansiya məhkəməsinin qərarını qüvvədə saxlayıb. 

Rusiyada korvalol qəbul etdiyi üçün sürücülük vəsiqəsini itirənlərin də sayı N qədərdir. Halbuki, bu dərman vasitəsi reseptsiz satılır.

Rusiya Ali Məhkəməsinin 2023-cü il tarixli qərarına əsasən tərkibində alkoqol və ya narkotik vasitə olan dərman preparatlarından istifadə sürücülük vəsiqəsinin ləğvi üçün əsasdır.

Vüqar