Təyyarə detalları da saxtalaşdırılırmış – BİZƏ TƏSİRİ VARMI? - FOTO

Britaniya polisi saxta aviadetallarla bağlı təhqiqatı başa çatdırıb. 
Yolayrıcına necə gəldi girən sürücü az qala motosikletlə toqquşacaqdı - VİDEO

Avtosfer.az xəbər verir ki, Londonda yerləşən “AOG Technics” şirkətinin rəhbəri Xose Alexandro ibtidai istintaqda özünü təqsirli bilib.

Cinayətkar sxem 2023-cü ildə aşkar edilib. Portuqaliyalı mütəxəssislər Boeing təyyarələrində tətbiq edilən GFM56 mühərriklərinin detallarının saxta sertifikatla gəldiyini bildiriblər.

Portuqaliya hökumətinin müraciəti əsasında Britaniyanın hüquq-mühafizə orqanları araşdırma aparıb. Məlum olub ki, düya üzrə 200-dək təyyarədə saxta detallar quraşdırılıb. Saxta detalları alanlar arasında Ryanair, American Airlines, Delta Air Lines, United Airlines, Southwest Airlines, TAP Air

Portugal, TUI və Virgin Australia kimi böyük şirkətlər də yer alır.

Araşdırma zamanı 72 saxta sertifikat verildiyi məlum olub. Buna görə Xose Alexandro barədə ev dustaqlığı qətimkan tədbiri seçilib. Məhkəmə 2026-cı ilin fevralında keçiriləcək. 

Azərbaycana gəlincə deyə bilərik ki, sözügedən şirkətlər ölkəmizə müntəzəm uçuş həyata keçirmir. Lakin, Azərbaycan vətəndaşlarının ölkə xaricində bu şirkətlərin xidmətindən istifadə etməsi mümkündür.

Vüqar