Təyyarədə ayaqları bir-birinin üstünə atmaq olduqca təhlükəli imiş

Təyyarədə ayaqları bir-birinin üstünə atmaq olduqca təhlükəlidir. Avtosfer.az Ölkə.az-a istinadla xəbər verir ki, stüardessalar deyir ki, uçuş zamanı edə biləcəyiniz ən böyük səhvlərdən biri ayaqlarınızı çarpazlaşdıraraq səyahət etməkdir. Bu vəziyyət olduqca rahat görünsə də, əslində ciddi risklər daşıyır. Stüardessanın Barbiebak La Azafata bildirib ki, uzun müddət eyni vəziyyətdə qalmaq qan dövranını yavaşladır və riski artırır. Mütəxəssislərin fikrincə, bu, dərin venaların trombozuna, yəni ayaqlarda qan laxtalarının əmələ gəlməsinə səbəb ola bilər. Xüsusilə hərəkət məhdud olan dar oturacaqlarda qan damarlarına təzyiq daha da artır. Buna görə də tez-tez mövqe dəyişikliyi, qısa gəzintilər və bol su içmək tövsiyə olunur. Təyyarə heyəti sərnişinlərə tez-tez yalnız ayaqlarını çarpazlaşdırmaqla deyil, həm də gigiyena və rahatlıq baxımından problem yarada biləcək digər davranışlar barədə xatırlatma edir. Ayaqlarınızı öndəki oturacağa doğru uzatmaq həm gigiyena, həm də digər sərnişinlərə hörmət baxımından ciddi problemlər yarada bilər. Pəncərə kənarına söykənərək yatmaq titrəmələr və çirkli səthlər səbəbindən baş ağrılarına səbəb ola bilər. Sakit səyahət üçün tualetlərin və mətbəx sahəsinin yaxınlığındakı oturacaqlardan çəkinmək də vacibdir.