“Türk Dövlətləri Təşkilatının özünə aid himni olmalıdır” – Rəşad Məcid - VİDEO

Azərbaycan Mətbuat Şurasının sədri Rəşad Məcid Türk Dövlətləri Təşkilatının himninin yaradılması ilə bağlı təklif irəli sürüb.

Avtosfer.az xəbər verir ki, bu barədə sosial şəbəkə hesabında paylaşım edib.

Sədr bildirib ki, vaxtilə arzusunda olduğumuz Türk Dövlətləri Təşkilatı bu gün çox fəaldır:

“Müxtəlif ölkələrdə tez-tez tədbirlər keçirilir. Adətən keçirilən tədbirlərdə yerli ölkənin himni səslənir. Birdən ağıla gəldi ki, Türk Dövlətləri Təşkilatına bir himn lazımdır. Və onun keçirdiyi tədbirlərdə yerli ölkənin himni ilə yanaşı Türk Dövlətləri Təşkilatının da himni səslənsə çox gözəl olardı.

Məncə, təşkilat bir müsabiqə elan edə bilər və bu müsabiqəyə bizim türk dünyasından şairlər, bəstəkarlar qoşula bilərlər. Və bu yaradıcı insanlar arasında bir xoş rəqabət də gedə bilər. Möhtəşəm musiqisi və təsirli sözləri ilə bir gözəl himn ortaya çıxa bilər ki, onu bütün türk dünyası oxuyar, əzbər bilər. Məncə, bu arzumuz da reallaşacaq”.

Eltac Zülfüqaroğlu