Yola çıxan qoyunlar fermerə baha başa gəldi: Cərimə ödəyib maşını təmir etdirəcək

Portuqaliyada 2019-cu ildə baş vermiş qəzaya görə davam edən məhkəmə çəkişmələri başa çatıb. Avtosfer.az xəbər verir ki, artıq Ali Məhkəmə də məsələ ilə bağlı yekun qərarı verib.

Portuqaliya mətbuatı yazır ki, 2019-cu ilin noyabrında Torre de Monkorvo şəhəri yaxınlığında sürüdən qaçan 3 qoyun yol qəzasına səbəb olub. Heyvanlarla toqquşan maşın zədələndiyi üçün sahibi məhkəməyə müraciət edib.

Məhkəmənin qərarı ilə fermer heyvanları nəzarətsiz buraxmaqda təqsirli bilinərək zədələnmiş avtomobilin təmirinə görə 9 000 avro, sürücünün başqa avtomobil kirayələməsinə görə 400 avro, yolun təmizlənməsinə görə 150 avro və digər xərclər də daxil olmaqla ümumilikdə 9 600 avro (19 000 AZN) cərimələyib.

Qərardan narazı qalan fermerin apellyasiya və kassasiya şikayətləri təmin olunmayıb. O, indi 9600 avro cəriməni ödəməlidir.

Vüqar