Yükdaşıma qaydalarını pozan şəxsin görüntüləri GÜNDƏM OLDU - VİDEO

Türkiyənin Bursa şəhərinin Osmangazi rayonunun Küçükbalıklı məhəlləsində qeyri-adi və təhlükəli hərəkət diqqət çəkib. 

Avtosfer.az xəbər verir ki, motosikletin yük bölməsinə yerləşdirilən masanın üzərinə uzanaraq yol gedən bir şəxs yoldakı digər sürücülərin marağına səbəb olub.

Hadisə zamanı uzandığı yerdən ətrafdakı avtomobillərə əl edən şəxs həm sürücüləri güldürüb, həm də təhlükəsizlik baxımından düşündürüb. Sosial şəbəkələrdə yayılan görüntülər qısa müddətdə geniş müzakirələrə səbəb olub.

Bu cür hərəkətlərin yol hərəkəti qaydalarına zidd olduğunu və həm motosiklet sürücüsü, həm də digər yol hərəkəti iştirakçıları üçün ciddi təhlükə yaradır. 

Qeyd olunur ki, hərəkət zamanı yük yerində insan daşınması ağır xəsarətlə nəticələnə biləcək qəzalarla nəticələnə bilər.

Eltac Zülfüqaroğlu