Avtobus zolağındakı sarı tora girən sürücüləri nə gözləyir? - İZAH - VİDEO

Yol hərəkətinin təşkilində istifadə olunan sarı torlarla bağlı bəzi nüansalar sürücülər üçün qaranlıq qalıb. Avtosfer.az xəbər verir ki, söz açdığımız həmin sarı torlar həm yolayrıclarında, həm də avtobus zolaqlarında istifadə olunur. Yolayrıclarında tətbiq edilən sarı torlar tıxac zamanı sürücülərin orada dayanmasını qadağan edir. Bu, kəsişmələrin qarşısının bağlanmaması və hərəkətin nizamlı şəkildə davam etməsi üçün nəzərdə tutulub.
Avtobus zolaqlarında tətbiq edilən sarı torlar da orada dayanmağı qadağan edir. Lakin sürücülərin həmin sarı torun üzəri ilə hərəkət etməsini qadağan etmir. Avtobus zolaqlarında sarı torun tətbiqi  istiqamət dəyişmək üçün nəzərdə tutulub. Yəni, sürücülər digər istiqamətə keçmək istəyirlərsə, bu torun üzəri ilə hərəkət edib manevr edə bilərlər. Bəzən bundan xəbəri olmayan sürücülər həmin torun üzərinə çıxmaqdan çəkinirlər. Düşünürlər ki, buna görə məsuliyyətə cəlb ediləcəklər. Lakin sarı tor bitdikdən sonra avtobus zolağına daxil olaraq istiqamətlərini dəyişirlər. Bu isə qayda pozuntusu hesab edilir.

Fərid