Nömrədəki dalğalı və düz bayraqlar: Hansına görə cərimə yazıla bilər? - VİDEO

Son günlər sürücülər arasında maraq doğuran suallardan biri də qeydiyyat nişanlarındakı bayraq təsvirləridir. Bəzi nömrələrdə Azərbaycan bayrağı dalğalı formada, digərlərində isə düz formada əks olunub. Bu fərqlilik sürücülərdə cərimə olunmaq narahatlığı yaradır.

Buna görə sürücüləri hansısa məsuliyyət gözləyirmi?

Avtomobil qeydiyyat nişanları Azərbaycan Respublikasının dövlət standartlarına uyğun hazırlanır. Həmin standartlarda bayrağın hansı formada əks olunacağı göstərilib. Müxtəlif illərdə hazırlanan nömrələr arasında dizayn dəyişiklikləri ola bilər. Yəni bir vaxt buraxılmış nömrələrdə bayrağın dalğalı, sonralar isə düz formada olması normal qəbul olunur.

Əgər avtomobilin nömrəsi rəsmi şəkildə DİN-in qeydiyyat-imtahan şöbələrindən alınıbsa, onun üzərindəki bayraq formasından asılı olmayaraq qanuni hesab olunur. Sürücülər yalnız saxta yolla hazırlanmış və ya standartdan kənar dəyişiklik edilmiş nömrədən istifadə etdikdə məsuliyyət daşıyırlar.

Avtomobil qeydiyyat nişanındakı bayrağın biri dalğalı, digəri düz olması heç bir qayda pozuntusu deyil və buna görə cərimə yazıla bilməz.

Nərmin