Texniki baxışda odsöndürən balonun sertifikatı tələb oluna bilər? - Hüquqşünasdan AÇIQLAMA - VİDEO

Son dövrlər redaksiyamızın qaynar xəttinə texniki baxış prosesi ilə bağlı çoxsaylı müraciətlər daxil olur. Avtosfer.az xəbər verir ki, bir çox sürücü texniki baxış zamanı onlardan odsöndürən balon üçün sertifikat tələb olunduğunu bildirirlər. Sertifikat təqdim edilmədikdə isə avtomobilin texniki baxışdan keçirilməsindən imtina edilir.

Sürücülərin sözlərinə görə, texniki baxış mərkəzinin əməkdaşları bu tələbi Nazirlər Kabinetinin qərarı ilə əsaslandırır və guya həmin qərarda belə bir müddəanın yer aldığını iddia edirlər.

Məsələyə münasibət bildirən hüquqşünas Ərşad Hüseynov “Düzgün Hərəkət” verilişində qeyd edib ki, bu tələbin heç bir hüquqi əsası yoxdur. Onun sözlərinə görə, Nazirlər Kabinetinin müvafiq qərarında odsöndürən balonun olması tələbi yer alsa da, onun üçün ayrıca sertifikatın təqdim olunması barədə heç bir müddəa mövcud deyil.

Fərid