Velosiped və motosiklet qəzalarının qarşısı bu üsulla alına bilər – ARAŞDIRMA

Şəhər daxilində avtomobil qapısının ehtiyatsız açılması nəticəsində velosipedçilərin və motosikletçilərin iştirakı ilə baş verən qəzalar artmaqdadır. 

Avtosfer.az xəbər verir ki, mütəxəssislər bu təhlükənin qarşısını almağın çox sadə, amma təsirli bir üsulu var — “Niderland sapı” adlanan texnika.

Bu üsula əsasən, sürücü avtomobilin qapısını ən yaxın əli ilə deyil, uzaqdakı əli ilə açmalıdır. Yəni, sükanı solda olan avtomobillərdə sürücü qapını sol əli ilə yox, sağ əli ilə açmalıdır. Bu hərəkət bədənin avtomatik şəkildə qapıya doğru dönməsinə və çiyin arxasından baxaraq yolun arxasını yoxlamağa imkan yaradır.

Məhz bu refleks sayəsində sürücü qapını açmazdan əvvəl velosipedçi, motosikletçi və ya digər nəqliyyat vasitəsini görə bilər. Nəticədə qəfil açılan qapıların yaratdığı qəzaların qarşısını almaq mümkündür.

Avropa ölkələrində artıq bu üsul geniş yayılıb və Avropa İttifaqı “Niderland sapı” texnikasını yol hərəkəti qaydalarına daxil etməyi planlaşdırır. Mütəxəssislər hesab edirlər ki, bu sadə vərdiş sürücülər və sərnişinlər üçün həyati əhəmiyyət daşıyan təhlükəsizlik tədbirinə çevrilməlidir.

Eltac Zülfüqaroğlu