Bu ərazidə sürücülər yol nişanını, dayanacağı, piyada keçidini gözardı edirlər - VİDEO

Paytaxtın “Koroğlu” metrostansiyasının yaxınlığında kütləvi şəkildə qayda pozan sürücülər görüntülənib.

Avtosfer.az-ın məlumatına görə, xoşagəlməz hadisə sentyabrın 8-də günorta saatlarında qeydə alınıb. Belə ki, 77-HC-398 dövlət nömrə nişanlı “Toyota” markalı, 77-LX-555 dövlət nömrə nişanlı “Mercedes” markalı, 77-XO-368 dövlət nömrə nişanlı “Volkswagen” markalı avtomobillərin sürücüləri minik vasitələrini avtobus dayanacağında üstəlik dayanma-durmanı qadağan edən nişanın təsir sahəsində saxlayıblar. Nəticədə onlar avtobusların dayanacağa daxil olmalarına əngəl törədiblər və sürücülər avtomobillərin hərəkətdə olduğu zolaqda saxlayaraq sərnişin mindirib-düşürməli olublar.

Onlardan geri qalmayan 77-PX-711 dövlət nömrə nişanlı “Haval” markalı maşının sürücüsü isə avtomobilini piyada keçidinin yaxınlığında park edib.

Qeyd edək ki, qanunvericiliyə əsasən, sürücülər avtomobillərini avtobus dayanacağından 15 metr kənarda saxlaya bilərlər. 

Nərmin