15 yaşlı oğlanı maşın vurdu

Hacıqabulda yol-nəqliyyat hadisəsi baş verib. 

Oxu.Az-ın bölgə müxbiri xəbər verir ki, hadisə Bakı-Qazax magistral yolunda, Padar kəndi ərazisində qeydə alınıb. 

Avtomobildən düşüb marketə getmək istəyən Siyəzən rayon sakini, 2004-cü il təvəllüdlü Gülmalıyev Elsevər Asif oğlunu minik avtomobili vurub. 

Hadisə zamanı müxtəlif dərəcəli bədən xəsarətləri alan piyada Şirvan Şəhər Mərkəzi Xəstəxanasına yerləşdirilib. 

Faktla bağlı araşdırma aparılır.