23 yaşlı qız gölə yuvarlanan avtomobildə boğuldu - FOTO

Dostları ilə birlikdə istirahətə gedən 23 yaşlı gənc qız bədbəxt hadisə nəticəsində həyatını itirib. Avtosfer.az xəbər verir ki, hadisə Rusiyanın Krasnoyarsk diyarında baş verib.

Məlumata görə, mərhum dostları ilə birlikdə Peşçanka gölü sahilinə istirahətə gəlib. O, yatmaq üçün maili ərazidə saxlanılmış avtomobilə keçib. Avtomobilin əl əyləci işləmədiyi üçün sürücü nəqliyyat vasitəsini ötürücüdə saxlayıb.

Məlum olmayan səbəbdən müəyyən bir məqamda mühərrik işə düşüb və avtomobil sürüşərək gölə hərəkət edib. Salonda olan gənc qız nəqliyyat vasitəsindən çıxa bilməyərək suda boğulub.

Faktla bağlı araşdırma aparılır.

Namiq Musayev