Ağcabədidə yük avtomobili ağaca çırpıldı: xəsarət alan var

Ağcabədi rayonunda yük avtomobili yol kənarındakı ağaca çırpılıb. Bu barədə Avtosfer.az-a Fövqəladə Hallar Nazirliyindən bildirilib.

Böhran Vəziyyətlərində İdarəetmə Mərkəzinə daxil olan məlumata əsasən, Ağcabədi rayonunun Hacıbədəlli kəndində “Shacman” markalı yük avtomobili yol kənarındakı ağaca çırpılıb. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan 1 nəfəri deformasiyaya uğrayan nəqliyyat vasitəsindən çıxarıb və aidiyyəti üzrə təhvil veriblər.