Ağdamda AĞIR QƏZA: ÖLƏN var - FOTO - YENİLƏNİB

Ağdam rayonunun Çəmənli kəndi ərazisində baş verən yol-nəqliyyat hadisəsi zamanı xəsarət alanların vəziyyəti məlum olub.

Ağdam Rayon Mərkəzi Xəstəxanasından bildirilib ki, martın 17-də saat 00:10-da Ağdam rayonu ərazisində baş verən yol-nəqliyyat hadisəsi səbəbi ilə iki nəfər (kişi) Ağdam Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Yaralılara qapalı kəllə-beyin travması, bədənin müxtəlif nahiyələrinin əzilmiş, kəsilmiş yaraları diaqnozları təyin olunub və zəruri tibbi yardım göstərilib. Vəziyyəti stabil qiymətləndirilən 2009-cu il təvəllüdlü şəxsin müalicəsi Təcili tibbi yardım şöbəsində davam etdirilir.

Göstərilən bütün tibbi xidmətlərə və həkimlərin çoxsaylı səylərinə baxmayaraq, saat 00:30-da 2008-ci il təvəllüdlü şəxsin bioloji ölüm faktı qeydə alınıb.

Meyit təşrih olunması üçün Məhkəmə-Tibbi Ekspertiza və Patoloji Anatomiya Birliyinin Ağdam rayon şöbəsinə təhvil verilib", - deyə məlumatda vurğulanıb.

***09:24

Ağdamda ağır qəza baş verib.

Avtosfer.az xəbər verir ki, hadisə rayonun Çəmənli kəndi ərazisində qeydə alınıb.

Belə ki, hərəkətdə olan “KİA” markalı avtomobil idarəetməni itirərək yol kənarındakı ağaca çırpılıb.

Qəza zamanı sürücü və sərnişin ağır xəsarət alıb.

Yaralılar Ağdam Rayon Mərkəzi Xəstəxanasına çatdırılıb.

Faktla bağlı araşdırma aparılır./teleqraf

***23:57, 17 mart

Qəza zamanı xəsarət alanların kimliyi məlum olub.

Belə ki, xəsarət alanlar rayon sakinləri Musayev Cavid Əli oğlu və Abdullazadə İlkin Zamiq oğludur.

***

Qəza zamanı ağır xəsarət alan Musayev Cavid Əli oğlu həyatını itirib./qafqazinfo