Ara məsafəsi saxlamayan sürücü qəzaya səbəb oldu - VİDEO

Bakı-Şamaxı-Yevlax magistral yolunda yol-nəqliyyat hadisəsi baş verib.

Avtosfer.az-ın məlumatına görə, qəza iyunun 25-də səhər saatlarında qeydə alınıb. Hərəkətdə olan “Mazda” markalı avtomobil “Toyota” markalı nəqliyyat vasitəsiylə toqquşub.

İlkin məlumata əsasən, qəzaya səbəb sürücülərdən birinin ara məsafəsini düzgün saxlamaması olub. Belə ki, “Toyota”nın sürücüsü piyada keçidindən istifadə edən piyadaya yol vermək üçün nəqliyyat vasitəsini dayandırıb. Bu zaman arxadan gələn “Mazda” markalı avtomobil ona çırpılıb.

Hadisə nəticəsində xəsarət alan olmasa da, hər iki avtomobilə maddi ziyan dəyib.

Qəza yerinə polis əməkdaşları cəlb olunub, faktla bağlı araşdırma aparılır.

Nərmin