Avtobus polislərin olduğu maşınla toqquşdu: 2-si polis, 7 yaralı - FOTO

Türkiyənin Mardin vilayətində minik avtomobilinin və servis avtobusunun iştirakı ilə yol-nəqliyyat hadisəsi baş verib. Avtosfer.az xəbər verir ki, insident ötən gecə Qızıltəpə - Mardin avtomagistralında qeydə alınıb.

Məlumata görə, fabrika işçilərini daşıyan Nüsrət Yalçınqayanın idarə etdiyi 47 S 2129 qeydiyyat nömrə nişanlı avtobus, polislərin olduğu minik maşını ilə toqquşub. Zərbənin şiddətindən sürüklənərək səkiyə dəyən avtobus aşıb.

Nəticədə 2-si polis olmaqla 7 nəfər xəsarət alıb. Yaralılar hadisə yerinə çağırılan ambulanslarla

Qızıltəpə Dövlət Xəstəxanasına çatdırılıb. Deformasiyaya uğramış nəqliyyat vasitələri isə evakuatorlarla avtomobil dayanacağına aparılıblar.

Faktla bağlı araşdırmalara başlanılıb.

Namiq Musayev