Avtomobil 24 yaşlı gənci vurub - Qızıldaşda

Bakıda piyadanın xəsarət alması ilə nəticələnən yol-nəqliyyat hadisəsi qeydə alınıb. Avtosfer.az-ın "Report"a istinadən məlumatına görə, hadisə Qaradağ rayonunda baş verib. Qızıldaş qəsəbəsində avtomobil yolu keçən 1995-ci il təvəllüdlü Mustafayev Səbuhi Amil oğlunu vurub. Yaralı təcili yardımın köməyi ilə xəstəxanaya çatdırılıb. Müayinə zamanı ona bel və çanaq sümüklərinin əziyi diaqnozları qoyulub.

Qəzanın başvermə səbəbi araşdırılır.