“Azur Air”ə məxsus təyyarə sərt eniş etdi: 56 nəfər xəsarət alıb – Hadisə yerindən VİDEO

Rusiyada “Azur Air” aviaşirkətinə məxsus "Boeing" sərnişin təyyarəsinin hava limanına sərt eniş etməsi nəticəsində 56 nəfər xəsarət alıb. Avtosfer.az xəbər verir ki, hadisə ötən axşam Barnaul aeroportunda qeydə alınıb. Bu barədə "Rossiya 24" telekanalı məlumat yayıb.

Məlumata görə, pilot şassinin zolağa toxunduqdan sonra mümkün yanğınla bağlı dispetçerə xəbərdarlıq edib və bundan sonra qəza yerinə yanğınsöndürmə briqadaları cəlb olunub. Ancaq xoşbəxtlikdən şassidə yanğın yox tüstüləmə olub. Sərnişinlər hava trapından evakuasiya ediliblər.

Bildirilir ki, hava gəmisi Vyetnamdan Barnaula uçub, göyərtədə 344 sərnişin və 10 ekipaj üzvü olub.

Namiq Musayev