Bakı-Sumqayıt yolunda "Toyota Prado"nun qəzaya uğraması tıxaca səbəb olub - FOTOLAR

Bakı-Sumqayıt avtomobil yolunda yol-nəqliyyat hadisəsi baş verib.

Avtosfer.az APA-ya istinadən xəbər verir ki, Sumqayıtdan paytaxt istiqamətində hərəkət edən "Toyota Prado" markalı minik maşını Bakının Binəqədi rayonu ərazisində, magistral yolun Biləcəri qəsəbəsinə dönən hissəsində idarəetmədən çıxaraq yol kənarındakı maneəyə çırpılıb.

Hadisə zamanı xəsarət alan olmasa da, nəqliyyat vasitəsinə, həmçinin yol infrastrukturuna ciddi ziyan dəyib. Qəzadan sonra magistral yolda tıxac da yaranıb.

Əraziyə YPX müfəttişləri cəlb olunub və tıxacın aradan qaldırılması istiqamətində işlərə başlanılıb.