Bakıda 27 yaşlı gənc qəza zamanı iki maşının arasında qalıb

Bakıda piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə paytaxtın Nəsimi rayonunda, Füzuli küçəsi ilə Rəşid Behbudov küçəsinin kəsişməsində qeydə alınıb.

Belə ki, 27 yaşlı Ağayev Bilal Pəhlivan oğlu yolu keçərkən onu maşın vurub və nəticədə o, iki maşının arasında sıxılıb qalıb.

Yaralı təcili tibbi yardımın köməkliyi ilə xəstəxanaya çatdırılıb. Ona sağ çiynin və belin əzilməsi diaqnozu qoyulub.