Bakıda ağır qəza: “Niva” bir neçə dəfə aşaraq maneəyə çırpıldı, yaralılar var - VİDEO

Paytaxtın Xəzər rayonunda ağır yol-nəqliyyat hadisəsi baş verib.

Avtosfer.az-ın məlumatına görə, qəza iyulun 26-da səhər saatlarında Buzovna yolunda qeydə alınıb.

İlkin məlumata əsasən, 77-EB-599 dövlət qeydiyyat nişanlı “VAZ-2121” (“Niva”) markalı avtomobil hərəkətdə olarkən “BYD” markalı nəqliyyat vasitəsi ilə toqquşub. Hadisə şahidlərinin iddiasına görə, qəzaya səbəb “Niva” sürücüsünün ardıcıl şəkildə manevr qaydalarını pozması olub.

Toqquşmadan sonra idarəetmədən çıxan “Niva” bir neçə dəfə aşaraq yolkənarındakı dəmir maneəyə çırpılıb. Nəticədə avtomobil tamamilə yararsız vəziyyətə düşüb.

Qəza zamanı “Niva”nın sürücüsü və avtomobildə olan sərnişin müxtəlif dərəcəli bədən xəsarətləri alıblar.

Hadisə yerinə polis əməkdaşları cəlb olunub.

Faktla bağlı araşdırma aparılır.

Nərmin