Bakıda avtomobil piyada qadını vurdu: vəziyyəti ağırdır

Bakının Nizami rayonunda piyadanın xəsarət alması ilə nəticələnən yol-nəqliyyat hadisəsi baş verib. Avtosfer.az APA-ya istinadən xəbər verir ki, avtoqəza B.Çobanzadə küçəsində qeydə alınıb.

Minik avtomobili yolu keçmək istəyən 1993-cü il təvəllüdlü Məmmədova Fəridə Mehman qızını vurub, daha sonra yol kənarındakı ağaca çırpılıb. Hadisəni törədən sürücü ərazidən yayınıb.

Faktla bağlı Nizami Rayon Polis İdarəsində araşdırma aparılır.