Bakıda avtomobilin vurduğu piyada xəsarət alıb

Bakının Sabunçu rayonunda yol-nəqliyyat hadisəsi zamanı 1 nəfər xəsarət alıb.

Avtoqəza Maştağa qəsəbəsində baş verib.

Minik avtomobili 1955-ci il təvəllüdlü Musayeva Həlimə Çəlbiş qızını vurub. Hadisəni törədən sürücü yaralını xəstəxanaya çatdırıb. H.Musayevaya qapalı kəllə-beyin travması diaqnozu qoyulub və Reanimasiya şöbəsinə yerləşdirilib. Vəziyyəti stabil qiymətləndirilir.

Faktla bağlı araşdırma aparılır.