Bakıda "BMW" ilə toqquşan "Prius" aşıb - VİDEO - YENİLƏNİB

Bakının Nəsimi rayonu ərazisində yol-nəqliyyat hadisəsi zamanı bir nəfər xəsarət alıb.

Məlumat Bakı Şəhər Dövlət Yol Polisi İdarəsindən (BŞDYPİ) verilib.

"Bu gün saat 06:30-da paytaxtın Nəsimi rayonunda yol-nəqliyyat hadisəsi baş verib.

Belə ki, 99-UC-769 dövlət qeydiyyat nişanlı "Toyota Prius" markalı avtomobil ilə 77-EL-910 dövlət qeydiyyat nişanlı BMW markalı avtomobil toqquşub.

Qəza nəticəsində "Toyota Prius" markalı avtomobilin sürücüsü xəsarət alaraq xəstəxanaya yerləşdirilib. Faktla bağlı araşdırma aparılır", - deyə məlumatda bildirilib./oxu.az

***15:11

Bakının Nəsimi rayonu ərazisində yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, bununla bağlı videogörüntü yayımlanıb.

Qəza səhər saat 06:32-də Xan Şuşinski və Molla Pənah Vaqif küçələrinin kəsişməsində qeydə alınıb. Belə ki, BMW markalı avtomobillə "Toyota Prius" markalı avtomobil toqquşub. Zərbənin təsirindən "Prius" aşıb.

Videoda ətrafdakı şəxslərin aşan avtomobildəki sürücünü xilas etməyə çalışdıqları görünür.

Hadisə səbəb kimi sürücülərdən birinin nizamlanmayan yolayrıcı qaydalarını keçməsi qaydasını pozması göstərilir.

Qəza nəticəsində ölən və ya xəsarət alanların olub-olmaması barədə məlumat yoxdur.