Bakıda gecə saatlarında zəncirvari qəza - Üç maşın toqquşdu - VİDEO

Paytaxtın Nizami rayonu, Qara Qarayev prospektində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza iyulun 28-də saat 22:00 radələrində qeydə alınıb.

Hərəkətdə olan “Chevrolet” markalı avtomobil qarşısındakı “Mercedes” markalı minik vasitəsinə, o isə öz növbəsində “Mercedes” markalı yük maşınına çırpılıb.

Şahidlərin iddiasına görə, qəzaya səbəb sürücülərin ara məsafəsini düzgün saxlamaması olub.

Hadisə nəticəsində xəsarət alan olmasa da, “Chevrolet” markalı avtomobilə ciddi maddi ziyan dəyib.

Faktla bağlı araşdırma aparılır.

Nərmin