Bakıda iki avtomobil toqquşdu: 1 yaralı

Suraxanı rayonunda 1 nəfərin xəsarət alması ilə nəticələnən yol-nəqliyyat hadisəsi baş verib. Qəza Günəşli qəsəbəsində yerləşən "İn petrol" yanacaq doldurma məntəqəsinin yaxınlığında qeydə alınıb. 2 nəqliyyat vasitəsinin toqquşması zamanı 32 yaşlı Rüstəmova Nəzrin Nahid qızı xəsarət alaraq xəstəxanaya yerləşdirilib. Ona sol körpücük sümüyünün sınığı diaqnozu qoyulub.

Faktla bağlı Suraxanı Rayo Polis İdarəsində araşdırma aparılır.