Bakıda minik avtomobili avtobusla toqquşub, xəsarət alanlar var
Qəzalar
1 Noyabr 2019 09:16
Oxunub 1387
Yaralılar təcili tibbi yardım briqadasının köməkliyi ilə xəstəxanaya çatdırılıblar
Bakıda avtomobillə avtobus toqquşub. Avtosfer.az "Report"a istinadən xəbər verir ki, hadisə Sabunçu rayonu Maştağa qəsəbəsində baş verib. Belə ki, 1994-cü il təvəllüdlü İbrahim Rəcəbov idarə etdiyi "VAZ-2106" markalı minik avtomobili ilə hərəkətdə olarkən idarəetməni itirib. Nəticədə avtomobil 131 saylı sərnişin avtobusuna çırpılıb.
Hadisə zamanı "VAZ-2106"-nın sürücüsü İ.Rəcəbov və sərnişinlər - 1996-cı il təvəllüdlü Həmidağa Babayev, 1997-ci il təvəllüdlü Mehdi Rəhimov və 1988-ci il təvəllüdlü İkram Rəcəbov xəsarət alıblar.
Yaralılar təcili tibbi yardım briqadasının köməkliyi ilə xəstəxanaya çatdırılıblar. İ.Rəcəbova dizin sınığı diaqnozu qoyulub. Digər yaralılar isə ilkin tibbi yardım göstərilərək ambulator müalicəyə buraxılıblar.
ŞƏRH YAZ
DİGƏR XƏBƏRLƏR
