Bakıda motosikletin yolunu kəsən sürücü qəza törətdi - ANBAAN VİDEO

Paytaxtın Suraxanı rayonu, Qaraçuxur qəsəbəsində baş verən yol-nəqliyyat hadisəsi anbaan kameraya düşüb.

Avtosfer.az-ın məlumatına görə, qəza bir neçə gün əvvəl səhər saatlarında Cəlal Qurbanov küçəsində qeydə alınıb.

Kadrlardan görünür ki, “Changan” markalı avtomobilin sürücüsü qarşıdan gələn nəqliyyat vasitələrinə məhəl qoymadan əks istiqamətli yola çıxaraq sola dönmək istəyir. Bu zaman o, qarşıdan gələn motosikletin yolunu kəsir və avtomobili qəfil görən moto sürücü qəzadan yayına bilmir. 

Zərbənin təsirindən motosikletin sürücüsü yerə yıxılır. Həmçinin nəqliyyat vasitəsinə maddi ziyan dəyir.

Hadisə zamanı sola dönmə manevrini təhlükəsiz şəraitdə başa çatdırmayan sürücünün qarşıdan gələn nəqliyyat vasitəsinin hərəkətinə mane olduğu və nəticədə qəzaya səbəb olduğu görünür.

Nərmin