Bakıda polis əməkdaşını vurub qaçan sürücü saxlanılıb

Piyadanı vurub hadisə yerindən yayınan sürücü saxlanılıb Avtosfer.az APA-ya istinadən xəbər verir ki, 4 gün bundan öncə Tofiq Bəhrəmov adına stadionun yaxınlığında xidmət aparan Əlahiddə Çevik Polis Alayanın əməkdaşı, 1987-ci il təvəllüdlü serjant Vüsal Ağayevi “Hyundai” markalı avtomobil vuraraq qaçıb. Keçirilən axtarış tədbirləri nəticəsində hadisəni törədən sürücü, 1968-ci il təvəllüdlü Məhəmməd Seyidov saxlanılıb.

Qeyd edək ki, V.Ağayevin vəziyyəti ağırdır. O, Daxili İşlər Nazirliyinin Hospitalına yerləşdirilib.