Bakıda üç maşın bir-birinə çırpıldı, piyada son anda canını qurtardı - REAL VİDEO

Bakıda baş vermiş yol qəzası anbaan təhlükəsizlik kamerasına düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Belə ki, “Changan” markalı avtomobilin sürücüsü sağa manevr edərək həmin zolaqdakı “KIA” markalı maşını sıxışdırıb. Nəticədə “Changan”la toqquşan “KIA”, ardınca yol kənarında park edilmiş “Ford” markalı maşına çırpılıb. Zərbənin təsirindən “Ford” səkiyə çıxıb. Eyni zamanda yolu keçən yaşlı kişi qəzadan son anda xilas olub. 

Qeyd edək ki, hadisə zamanı hər üç avtomobilə maddi ziyan dəyib.

Nərmin