Bakıda yağışlı hava qəzaya səbəb olub, xəsarət alan var

Bakının Xəzər rayonunda xəsarətlə nəticələnən yol-nəqliyyat hadisəsi baş verib. Hadisə Qala qəsəbəsində qeydə alınıb. Avtomobilin pis hava şəraiti ilə əlaqədar idarəetmədən çıxaraq dirəyə çırpılması nəticəsində sərnişin, 1990-cı il təvəllüdlü Səlimov İsmayıl Əliverdi oğlu ağır xəsarət alıb.

Yaralı təcili yardımın köməyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.(report)