Bayılda iki avtomobil toqquşdu: xəsarət alan var

Bakıda xəsarətlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Səbail rayonu Bayıl qəsəbəsində qeydə alınıb. Belə ki, qəsəbə ərazisində iki minik avtomobilinin toqquşması nəticəsində 1990-ci il təvəllüdlü Rzaquliyeva Zəhra Vaqif qızı xəsarət alıb. O, təcili tibbi yardım maşınının köməkliyi ilə xəstəxanaya çatdırılıb. Ona açıq kəllə-beyin travması diaqnozu qoyulub.

Faktla bağlı araşdırma aparılır.