Buzlu yol qəzaya səbəb oldu: 23 nəfər xəsarət aldı - FOTO

Türkiyənin Kayseri vilayətində sərnişin avtobusu qəzaya uğrayıb. Avtosfer.az xəbər verir ki, insident bu gün gecə saatlarında Kayseri – Pınarbaşı avtomagistralının 35-ci kilometrliyində qeydə alınıb.

Məlumata görə, Vandan Kayseri istiqamətində hərəkətdə olan “Best Van” şirkətinə məxsus, Səid Qaranın (59) idarə etdiyi 65 AV 245 qeydiyyat nömrə nişanlı sərnişin avtobusu, yolun buzlu və sürüşkən olması səbəbindən idarəetmədən çıxaraq yol kənarına aşıb.

Nəticədə 23 nəfər xəsarət alıb. Yaralılar, hadisə yerinə çağırılan ambulanslarla rayon xəstəxanalarına çatdırılıblar. Onların səhhətlərinin normal olduğu bildirilib.Polis faktla bağlı təhqiqatlara başlayıb.

Namiq Musayev